A xestión e tramitación de subvencións é un servizo de recente implantación, que desde a AEDEZA pretendemos impulsar ao longo deste ano 2024 e que xorde da propia iniciativa dos asociados/as da AEDEZA para darlle continuidade á información recurrente sobre convocatorias públicas de liñas de axuda.
0
Solicitudes de axuda tramitadas no exercicio de 2023
Un servizo de recente creación a petición dos asociad@s
100% de eficacia nas solicitudes tramitadas en 2023
Con anterioridade á instauración deste novo servizo, desde a AEDEZA xa viñamos tramitando para os socios que o solicitaban, e de forma moi puntual, algunhas solicitudes de axudas e subvencións. De feito, no exercicio de 2023 xestionamos un total de 15 peticións cun 100% de eficacia, o que lles permitiu a outros tantos asociados recibir en conxunto achegas por un importe global de 46.135,96 euros.
Un servizo moi recomendable para pemes e autónomos
A posta en marcha deste servizo de tramitación e solicitude de axudas e subvencións pretende dar resposta a unha necesidade de boa parte da nosa masa social, maioritariamente integrada por pequenas e medianas empresas (pemes) e autónomos. Precisamente, esta tipoloxía de asociados/as, que non acostuman a ter unha estrutura de persoal moi grande nin expertos nestes procedementos, é o perfil de potenciais usuarios/as e beneficiarios/as da tramitación de axudas que realizamos na AEDEZA.
Ademais, convén resaltar que a xunta directiva da AEDEZA acordou que a prestación deste servizo realizarase seguindo a fórmula “a éxito”, é dicir, que os solicitantes das axudas só teñen que pagar unha comisión cando se converten en beneficiarios porque lles concederon as achegas solicitadas. O importe de dita comisión variará en función do montante global da axuda concedida e non ten como obxectivo obter lucro para a AEDEZA, senón que só busca poder custear os recursos necesarios para a prestación deste novo servizo.