Un dos grandes esforzos económicos e de carga de traballo que asume o equipo técnico da AEDEZA para axudar ao comercio tradicional céntrase na campaña do Nadal, que acostuma a ser a máis potente do ano, tanto pola cantidade de actividades programadas como polos recursos económicos que se destinan a sorteos, agasallos, etc.
0
campañas de dinamización desenvolvidas en 2023
A campaña do Nadal, a máis potente para o comercio
O Deztápate, un referente para o sector da hostalaría
Para o sector da hostalaría e a restauración, desde a AEDEZA impulsamos e coordinamos no mes de agosto o concurso e ruta de tapas Deztápate, que lles permite aos nosos asociados reforzar durante uns días o fluxo de clientes precisamente nunhas datas nas que acostuma a descender a actividade en Lalín. Por iso, o Deztápate xa é un certame que está considerado como un referente por parte da hostalaría local.
Axudamos a dinamizar o comercio e a hostalaría
Ao longo do ano, a Asociación de Empresari@s de Deza e o Centro Comercial Aberto (CCA) de Lalín programamos arredor dunha ducia de campañas de dinamización propias -ademais de colaborar noutras alleas-, co obxectivo de incentivar o consumo especialmente nos sectores do comercio tradicional e a hostalaría.
A distribución destas campañas comerciais non só busca aproveitar efemérides e datas sinaladas, senón tamén desestacionalizar os hábitos de compra máis aló das campañas de rebaixas e a gran campaña do Nadal.
Para a execución destas campañas, na AEDEZA contamos coa cofinanciación do Concello de Lalín a través dun convenio de colaboración de periodicidade anual.
Campaña de Nadal
Rebaixas de inverno
Día de San Valentín
Día do Pai
Día da Nai
Noite Branca
Rebaixas de verán
Outlet stock
Deztápate
Volta ao cole
