A Asociación de Empresari@s de Deza e o Centro Comercial Aberto de Lalín pecharon na noite de onte a campaña de Nadal cun exitoso e multitudinario sorteo presencial que congregou na Praza da Vila a centos de persoas, a pesar das adversidades meteorolóxicas. A fortuna quixo que Vanesa Taboada Santín resultase agraciada co premio de maior importe, 1.000 euros en vales de compra, grazas a un boleto selado en Esther Portela Floristas.
O sorteo, que contou coa presenza do vicepresidente da AED, Jaime Pereira Gil, e das concelleiras Karen Fernández e Bea Canda, repartiu en total 10.000 euros en vales de compra, un importe que revertirá de novo nos establecementos asociados. Tras Vanesa Taboada, a segunda persoa máis afortunada foi Mónica Golmar Varela, que resultou agraciada con dous premios de 300 euros en vales de compra, por sendos boletos selados en Colorín Colorado e Alalá, Nikis Lalín.
Pola parte dos comercios participantes, os que máis sorte repartiron foron Librería Dalvi, Muebles O Deza, Zapatería Martínez, Ninfa e Bar Recreo, que entregaron dous boletos premiados con vales de compra de 300 euros cada un.
A relación completa das persoas gañadoras dos vales de 300 euros é a seguinte: Adrián Sánchez Albor (por unha compra en Librería Raíces), José Gil Pérez (Muebles O Deza), Manuel Portas Ulloa (Tien 21), María Rosario Rodríguez Taboada (Moca), Penny Ponticasa (Pizza Park), Mercedes González Barreiro (Varell Sport), Meritxel Silva García (Zapatería Martínez), Arancha Muiños Conde (Librería Dalvi), Miguel Galego Guitián (Zapatería Martínez), Paula Seijas González (Embutidos Lalinense), Christian Taboada Barcala (Ninfa), Fernando Rodríguez Vilariño (Electricidad Femán), Jesús Manuel Gil González (Ninfa), María Luisa García Pérez (Callehacheseis SL), Francisco R. Castaño Ochoa (Librería Dalvi), Alberto Villaravid Canda (Bar Recreo), Beatriz Mosquera Otero (A Principal Carnicería), Mónica Golmar Varela (Colorín Colorado e Alalá, Nikis Lalín), Ana Janeiro Janeiro (Panadería Manolo da Morena), David Taboada García (Librería Álvarez), Carmen Segade Pardo (Comercial Arribas), Purificación Paz Gómez (Ortodeza), Rosa Varela Ríos (Muebles Sieiro), Emilio José Rodríguez Villanueva (Bar Recreo), María Ángeles Sánchez Fernández (Cárnicas Anzo), Yolanda López Mejuto (Bernabé), Silvana González Rocha (Lencería Lilas), Ana María Silva Vázquez (Muebles O Deza) e Javier Galego Guitián (O Asubío).
