A Asociación de Empresari@s de Deza (AEDEZA) e a compañía líder do sector odontolóxico en España, Vitaldent, acaban de renovar a súa colaboración para que os asociados da AEDEZA e os seus familiares directos poidan beneficiarse de condicións especialmente vantaxosas na atención odontolóxica na clínica Vitaldent Lalín, ubicada na rúa Principal.
Segundo o convenio asinado, Vitaldent comprométese a realizarlle aos asociados da AEDEZA e aos familiares directos unha primeira consulta gratuíta, incluíndo unha ortopantomografía de diagnóstico, o que xa suporía un aforro de 120 euros. Ademais, aplicará un desconto do 15% en todos os tratamentos realizados que superen os 250 € e proporcionará o asesoramento necesario para poder obter financiamento ata 12 meses sen intereses e ata cinco anos.
O presidente da AEDEZA, David Campos, enmarca a renovación deste acordo como “un servizo que achega valor engadido de forma indirecta aos asociados da AEDEZA, xa que poden beneficiarse dunhas condicións especialmente vantaxosas ás que non poderían acceder se non fosen socios”. Neste senso, lembra que a AEDEZA ten vixentes na actualidade máis dunha ducia de convenios que brindan vantaxes competitivas en cuestións tan diversas como a obtención do dispositivo VíaT, a reportaxe de combustible diésel, produtos bancarios, servizos especializados de asesoramento fiscal e tributario, etc.
Vitaldent
Vitaldent é a compañía líder do sector odontolóxico en España, cunha rede de preto de 450 clínicas repartidas por todo o territorio nacional, nas que pon a disposición de 8,5 millóns de pacientes tratamentos de vangarda aplicados coas principais novidades tecnolóxicas e equipos médicos de última xeración.
